Inter hefur í samráði við Vidacare, gefið beinmergsborvélar í alla sjúkrabíla landsins. 

Í nýjum evrópskum leiðbeiningum um endurlífgun í lok árs 2010 er ekki lengur mælt með því að gefa lyf um barkarennu. Ef ekki er hægt að setja upp æðalegg skal gefa lyf um beinmergsnál. 

Með notkun beinmergsnálar er hægt að komast hratt og auðveldlega að  æðakerfi sjúklings og gefa þannig lyf og vökva. Beinmergurinn er blóðríkur vefur og þaðan er fljót og greið leið inn í blóðrás líkamans fyrir lyf og vökva. 

Uppsetning beinmergsnálar getur verið nauðsynleg hjá bráðveikum og slösuðum þar sem oft er erfitt að koma upp æðalegg.  Það  getur verið erfitt að finna æðar þegar sjúklingur er í losti, æðar verða minni og skreppa saman. Einungis tekur um 10 sek. að setja upp beinmergsnál. Það getur sparað mikilvægan tíma þar sem hver mínúta skiptir máli við aðhlynningu veikra og slasaðra.

Beinmergsborvélarnar frá Vidacare eru þægilegar í notkun og auðvelda uppsetningu beinmergsnála.  

Sjúkraflutningaskólinn mun sjá um þjálfun á borana

Frekari upplýsingar um vidacare borana má finna á heimasíður Vidacare:  www.vidacare.com